Munnmök

Reynsla mín af munnmökum hefur verið upp og niður. Ég eiginlega byrjaði á toppnum og síðan hefur leiðin bara legið niður á við. Þannig að ég legg ekki mikið upp úr munnmökum þegar kemur að kynlífi. Það kemur samt fyrir einstaka sinnum að löngunin í góð munnmök hellist yfir mig.

Núna er ég að tala um að ég sé sleikt, ekki það að ég totti rekkjunautinn. Ég held að ég hafi ekki átt rekkjunaut sem ég hef ekki tottað reglulega. 

Undanfarna mánuði hefur löngunin í virkilega góð munnmök dúkkað upp oft og iðulega. Hún hefur meira að segja verið svo sterk að ég hef farið á stúfana og auglýsti eftir einnar nætur gamni við tungulipran mann. 

Ég hef þó ekki stigið skrefið í að hitta neinn, því þeir sem hafa svarað auglýsingunni minni eru meira uppteknir af því hvað þeir fái í staðinn. Ég get alveg launað greiðann og vel það en þegar menn eru meira að spá í hvað þeir fái fyrir þá fer ég að efast um hæfni þeirra. 

Ekki hjálpar til að ég geri þá kröfu að mér líki við einstaklinginn og langi til að stunda kynlíf með honum áður en nokkuð gerist, og þegar skilaboðin eru öll á þessa leið: er med 19cm og elska ad sleikja:)ahuga? þá er það ekki beint til að kveikja áhugann. 

Það hefur meira að segja hvarflað að mér að grafa upp gamla leikfélagann sem kynnti mig fyrir því hversu geggjuð virkilega góð munnmök eru.... 

Ætli hann sé á facebook?