Þótt ótrúlegt sé...
Ég hef ekki bloggað hérna í bráðum
ár. Einhvernveginn fór ég að hugsa um annað, gaf mér ekki tíma
til að setjast niður og blogga og andinn víðsfjarri. Nema hvað
núna áðan þegar ég rölti um ganga vinnunnar minnar helltist
yfir mig sú löngun að setjast niður og skrifa og deila með
ykkur, mínir kæru lesendur, hvað býr mér í brjósti.
Það er skemmst frá því að segja
að ég er farin að vinna og í vinnunni minni fæ ég þann heiður
að umgangast unglinga, og ekki nóg með það, þá fæ ég líka
að kenna unglingunum kynfræðslu. Það gæti ekki verið betra.
Það sem kemur upp úr krökkunum í þessum tímum og
fyrirspurnirnar sem ég fæ held ég að sé efni í heila bók.
Ég hef svolítið verið að vinna með
nafnlausar spurningar, krakkarnir fá blöð til að hripa eitthvað
niður á og allir eiga að skrifa eitthvað. Sumir koma með alvöru
spurningar um efnið, aðrir bulla bara eitthvað, enn aðrir benda
manni pent á að svertingjar séu jú víst með stærri tippi en
hvítir, svo eru þeir örfáu sem nota miðann fyrir listræna
hæfileika sína og teikna mynd, og ekki má gleyma þeim sem að
benda á að það vanti meiri umfjöllun um eitt eða annað, að
lokum má svo nefna þá sem koma með tillögu eða tvær. Á einum
miðanum sem ég fékk stóð einfaldlega staður og stund.
Ég hafði
mjög gaman af þeim miða og var pínulítið upp með mér fyrir
vikið.
Ég vona að strákgreyið hafi ekki beðið lengi eftir
mér.
Ummæli