Lykt
Mér finnst lykt
góð. Lykt af fólki, lykt af athöfnum, lykt af stöðum, lykt af
gjörðum. Lykt af kynlífi og lyktin af mér. Stundum þegar ég er
að fróa mér eða ný búin að því þá þefa ég aðeins af
fingrunum mínum, bara til að finna keiminn af sjálfri mér.
Þegar
kemur að munnmökum eða forleik almennt finnst mér gott að liggja
með höfuðið við klof félagans og anda að mér angan hans. Ég
veit ekki hvað það er, en það virkar fyrir mig.
Eftir gott
kynlíf finnst mér unaðslegt að finna ennþá lyktina hans loða
við mig. Það er bónus og vekur upp góðar minningar tengdar
viðkomandi.
Að sjálfsögðu er
til vond lykt líka. Það kemur samt ekki oft fyrir að ég finni
virkilega vonda lykt. Því síður að ég finni vonda lykt af
fólki.
Ég elska ilminn af
heilbrigðum karlmanni, það eiginlega skiptir ekki máli hvort það
sé hans náttúrulega lykt eða einhverskonar sambland af rakspírum,
þvottaefnum og líkamslykt. Mér finnst rosalega gott að kúra mig
í fanginu á einhverjum og anda að mér ilminum hans. Meira að
segja í fjölmenni þá reyni að þefa uppi eiganda lyktar sem
höfðar til mín. Sjaldan verður þó meira úr því en að ég
berji hann augum.
Lykt er líka þeim
hæfileikum gædd að hún getur vakið upp minningar. Alltaf þegar
ég finn ilminn af ákveðnu ilmvatni verður mér hugsað til
ákveðins aðila og ég verð öll heit og mjúk að innan.
Ummæli