Ég átti spjall við einn um daginn. Spjallið fór um heima og geima og sérstaklega netheima. Við höfðum bæði verið inni á einkamál í samskiptum við fólk þar og talið barst að því hvernig prófílar heilla og hvernig prófílar heilla ekki og svo þeir sem eru beinlínis fráhryndandi.
Í spjallinu áttaði ég mig á því að það eru nokkrar viðmiðanir sem ég styðst við þegar ég les prófíl inni á síðum á borð við einkamál og fetlife.
Í spjallinu áttaði ég mig á því að það eru nokkrar viðmiðanir sem ég styðst við þegar ég les prófíl inni á síðum á borð við einkamál og fetlife.
- Ef að prófíll byrjar á "Hæ, ég heiti Jón...." þá kemur strax hik á mig og ef að það sem eftir kemur er ekki þeim mun betra þá sendi ég viðkomandi ekki skilaboð. Almenna óskrifaða reglan er að halda nafninu sínu fyrir sig þangað til það líður á spjallið (nema það sé að breytast), og fólk sem virðir ekki þessar reglur er e.t.v. ekki jafn fært í samskiptum.
- Ef það er "he he" á eftir annarri hverri setningu. Mín upplifun er sú að viðkomandi er þá það óöruggur að hann notar "he he" til þess að tempra niður gildinu í því sem hann segir. Það er einhvernveginn eins og viðkomandi meini ekki alveg það sem hann skrifar, og er hálf afsakandi með því að slá öllu upp í húmor.
- Ef að prófíllinn er mjög stuttur og lítið í hann lagt þá sendi ég viðkomandi ekki skilaboð af fyrra bragði allavega. Það þarf að vera eitthvað sem grípur athyglina svo að maður hendi í skilaboð af einhverju tagi.
- Ef að lýsing á hæð, þyngd og líkamsbyggingu er aðal innihald prófílsins. Ég laðast að persónuleika en ekki líkama fólks og leita því að fólki sem er sama sinnis. Lýsing á líkama sínum sem aðal innihaldi prófíls bendir til hins gagnstæða.
- Ef að viðkomandi talar um 100% trúnað, þá eru 100% líkur á því að viðkomandi sé að halda framhjá maka sínum.
- Ef að viðkomandi lýsir sér sem fola og er að leita að skyndikynnum. Yfirleitt eru þeir prófílar stuttir og snaggaralegir. Jafnvel þó ég sé að leita að skyndikynnum, þá vil ég samt sjá að viðkomandi hafi eitthvað meira til brunns að bera en að vera heitur og graður.
Á hinn veginn þá heillast ég að prófílum þar sem persónuleikinn skín í gegn með glettni, er aðeins lengri en þrjár setningar og stafsetning og málfar er gott. Það er alveg til þó nokkuð af þeim ef vel er að gáð.
Ummæli
.. dojob..