Ferðafantasían í raunheimum

Ég birti gamla sögu hérna fyrir einhverju síðan. Sagan ber heitið Ferðafantasía.
Stuttu eftir að ég birti söguna fékk ég póst frá manni sem hafði upplifað nánast það sama og gerðist í sögunni. Hann var í jeppaferð með einhverju fólki. Þau gistu í skála, í heita pottinum fór að bera á snertingum á milli hans og einnar konunnar í ferðinni. Það æxlaðist svo að þau fengu svefnpláss hlið við hlið og þegar leið á nóttina hitnaði þeim í hamsi.
Sagan mín byggir lauslega á ferð sem ég fór í fyrir mörgum árum. Aðal söguhetjurnar eru til í alvörunni, en það varð ekkert heitt og sveitt kynlíf í skálanum þessa nótt. Kannski smá draumórar, sem náðu þó aldrei neitt lengra.