Verkfæralagerinn

Við höfðum hittst stuttu áður yfir kaffibolla á kaffihúsi í nágrenninu eftir nokkurra vikna spjall á netinu. Við höfðum deilt löngunum, hugmyndum og meira að segja dýft tánum í dónlegri samskipti þar sem myndaskipti bönnuð yngri en 18 áttu sér stað. Eftir kaffið löbbuðum við yfir í Verkfæralagerinn, sem er ein af uppáhalds dótabúðunum mínum.  Við röltum um búðina, sem selur allt milli himins og jarðar, ég benti honum á eitt og annað sem vissulega væru vanillulegir hlutir, en sannarlega hægt að nota í kinky tilgangi líka. Hann hafði mikinn húmor fyrir því, sem mér fannst mjög skemmtilegt.  

Á einum ganginum horfði hann á mig ákveðnum augum, gekk til mín og stoppaði ekki fyrr en hann var alveg upp við mig, langt inni í mínu persónulega rými. Andlit hans var við mitt og ég fann nálægðina við hann í öllum líkamanum. Ég vissi ekki hvernig ég átti að bregðast við, en ég var ekki tilbúin að láta eftir tilhneigingunni til að verja mig og að bakka frá. Mig langaði að sjá hvað gerðist. Andlit okkar dróust hægt saman og ég fann andardrátt hans við munninn minn, aðeins örfáir sentimetrar skildu okkur að. Varir hans snertu loks mínar, laust og leikandi, þær voru mun mýkri en ég hélt, og mér fannst gott að kyssa hann. Tunga hans læddi sér með í leikinn og ég svaraði henni, örlítið feimin, örlítið til baka. Ég hafði ekki gert ráð fyrir því að vera kysst yrði hér og nú. Við vorum jú bara að hittast í fyrsta skiptið. Hvað ef einhver sæi okkur? Sæist það hvað þetta var nýtt fyrir mér? Að við vorum tvær svo til ókunnugar manneskjur að kyssast í búðinni? 

Ég lokaði augunum og leyfði mér að njóta, að finna snertinguna, að upplifa, og það var gott. Hann kyssti mig á hálsinn áður en hann bakkaði frá og brosti við mér. Ég var hálf dösuð, komin á flug unaðar og losta og innra með mér tókust á tvær hliðar. Hliðin sem vildi njóta, hliðin sem hann hafði kveikt á og vildi helst fá meira, þá og þegar. Svo var það hin hliðin, sem minnti mig á að ég væri að hitta hann í fyrsta skiptið. Að þessi verslun væri kannski ekki staður eða stund til að leyfa lostanum og lönguninni að taka völdin. 

Við röltum aðeins meira um búðina áður en ég þurfti að halda annað. Þegar við stigum út fyrir verslunina kyssti hann mig aftur í kveðjuskini áður en við héldum í sitthvora áttina. Þegar ég settist inn í bíl fann ég að nærbuxurnar mínar voru orðnar vel blautar og greddan hreinlega sauð á mér þegar ég keyrði í burtu. 

Mig langaði svo sannarlega í meira og vonaði að þetta væri bara forsmekkurinn að því sem koma skyldi.