Kynlífstölfræði

Ég datt niður á rannsókn sem sýndi að ungt fólk stundar minna kynlíf núna en fólk á sama aldri fyrir 35 árum síðan.

Árið 1991 voru 50% stúlkna og 40% stráka farin að stunda kynlíf á aldrinum 14 - 18 ára. Það hlutfall var komið niður í 30% hjá bæði stúlkum og strákum árið 2021.


Rannsakakendur vildu meina að nokkrir þættir gætu legið þarna að baki.

-Meiri skjátími og samfélagsmiðlanotkun - sem dregur úr félagslegum samskiptum augliti til auglitis.

-Aukinn kvíði og þunglyndi meðal ungs fólks.

-Breyttar stefnumótavenjur sem sýna að færri hittast í eigin persónu.

-Meiri áhersla á nám og vinnu hjá ungu fólki.

-Aukin notkun kláms sem getur haft áhrif á væntingar og hegðun.

-Færri krakkar voru í föstum samböndum á unglings- og unglingsárum nú en áður.


Mér finnst allt í lagi að krakkar séu ekkert að drífa sig að stunda kynlíf. Ég læt það vera að hlutfall þeirra sem ekki eru farin að stunda kynlíf á þessum aldri hækki. 

Rannsóknir sýna nefnilega að unglingar sem fá góða kynfræðslu byrja seinna að stunda kynlíf og geri það á öruggari máta en þeir sem ekki fá kynfræðslu. Allt gott og blessað. 

Nema!! 

Þegar ég fór að grúska meira þá komst ég að því að fullorðið fólk stundar minna kynlíf í dag en fyrir 35 árum. 

Fólk á aldrinum 18-44 ára stundaði kynlíf að meðaltali 60-70 sinnum á ári fyrir 35 árum síðan. Þessi tala er komin niður í 54! Það er bara einu sinni í viku og svo aukalega á afmælisdögum. Rannsakendur vildu meina að ástæðurnar væru þær sömu og hjá unga fólkinu. 

Ég legg til að við leggjum frá okkur símana, hendumst út á lífið, gerum okkur dagamun og breytum þessari þróun!